哈哈~超耐無上過黎...自從上次之後...都差唔多半年無up過xanga...

呢半年經歷左好多野...亦都學識左好多野...入過學堂...搞到甩皮甩骨出返黎...好采ar SIR對我好好...半年之後可以考過返入去...其實好多野都係整定...天注定我要同長毛一齊當差...若果唔係點會好地地兩隻膝頭哥一齊鬆左韌帶...連半月瓣都一齊發埋炎...成對菠蘿蓋真係腫到好似菠蘿咁...= =!咁岩我整親個日長毛final in肥左...真邪...唯有半年之後先同佢一齊入去受苦受難...

岩岩同個fd出完街...佢同我講岩岩同個fd傾計傾通宵...唉...小朋友...傾通宵算乜...我再對上個禮拜日...通長毛去左睇K-1...朝早9點出門...睇完夜晚9點幾...之後同佢傾計傾到第二日晚11點...咁先係傾計嘛...講番個日K-1...條日本狗(武藏)俾人足足摘左4次荔枝...wakaka...我離擂台5X米遠都聽到佢俾人踢落春袋個下巨響...orz...絕後了...= =

近排諗番起佢...想起當年何文言&韓小敏既日子...想搵佢但搵唔返佢電話...唉.....